Nýtt hverfi miðsvæðis á höfuðborgarsvæðinu

Í norðurhlíð Arnarnesháls er unnið að skipulagningu nýs hverfis sem fengið hefur heitið Arnarland. Í Arnarlandi er áætlað að byggist upp líflegt borgarumhverfi með nýjum íbúðum, þjónustu og atvinnustarfsemi. Í deiliskipulagstillögu hverfisins er gert ráð fyrir um 450 íbúðum, ýmissi nærþjónustu og heilsuklasas þar sem áhersla er á aðsetur fyrir fjölbreytt fyrirtæki tengd heilsu og hátækni.

MEIRA

Byggðarmynstur

Gert er ráð fyrir að í Arnarlandi rísi borgarumhverfi með lifandi starfsemi og góðum íbúðum miðsvæðis á höfuðborgarsvæðinu.

MEIRA

Vistvænar samgöngur

Við hönnun hverfisins er horft til þess að í Arnarlandi verði greitt aðgengi að fjölbreyttum samgöngum með áherslu á vistvænar samgöngur. Eins er lögð áhersla á að tryggja öruggar umferðartengingar fyrir akandi.

MEIRA

Náttúran í borgarumhverfinu

Lögð verður áhersla á gott aðgengi að fjölbreyttum útvistar- og grænum svæðum bæði innan hverfisins og í nærumhverfinu.

MEIRA

Samfélag og lýðheilsa

Lagt er til að í Arnarlandi rísi blönduð byggð sem styður við samfélagsheild og bætta lýðheilsu íbúa og gesta.

MEIRA

Nálgast má deiliskipulagstillögu Arnarlands á vef Garðabæjar, greinargerð, deiliskipulagsuppdrátt og skýringaruppdrátt. Tillagan verður aðgengileg á vefnum sem og í þjónustuveri frá 28. desember til 20. janúar. Þau sem telja sig eiga hagsmuna að gæta er gefinn kostur á að senda inn athugasemdir eða ábendingar við kynntar tillögur skriflega til tækni- og umhverfissviðs Garðabæjar, Garðatorgi 7, með tölvupósti á skipulag@gardabaer.is eða í gegnum vef skipulagsgáttar, www.skipulagsgatt.is til og með 20. janúar 2025. (mál nr. 1410/2024)